Мадриднинг "Реал" клуби ҳужумчиси Родриго "Интер" (3:2) устидан ЕЧЛда қўлга киритилган ғалаба ҳақидаги фикрлари билан ўртоқлашди.
"Мен тайёр эдим ва ўз имкониятимни кутаётгандим. Қачонки майдонга тушсам, ўз голларим ва голли узатмаларим билан жамоамга ёрдам бераман. Ҳар сафар ЕЧЛ ўйинларида майдонга тушаётганимда бизда ажойиб ҳиссиёт пайдо бўлади.
Биз хурсандмиз ва ўзимизни анча енгил ҳис қиляпмиз. Ўйинни қийин кечишини билардик, лекин бунга тайёр эдик ва энг асосийси - муҳим уч очкони қўлга киритдик. Зидан мен ва Винисиусдан ўйин темпини оширишни, ҳимояга тезроқ қайтишни ва ҳужумда фаол ўйнашимизни сўраганди", - футболчининг сўзларидан иқтибос келтирмоқда УЕФА расмий сайти.
