Англиянинг «Эвертон» клуби «Реал» ярим ҳимоячиси Иско хизматларига жиддий қизиқиш билдирмоқда.
Аввалроқ хабар берилганидек, клуб скаутлари футболчининг ўзи билан персонал алоқага чиқишган эди. Энди улар масалага жиддий киришганликлари маълум бўляпти.
Журналист Дайлн Чайлдснинг маълумотларига кўра, «ирисчилар» энди Зидан билан ҳам бу борада келишиб олишган. Агар январгача Иско «Реал»да қолиш учун жиддий тўхтамга келмаса, гарчи товон суммаси юқори бўлишига қарамай «Эвертон» 28 ёшли испанияликни сотиб олиши мумкин.
Футболчининг ўзи ҳам собиқ жамоаси вакиллари жой олган клубга кўчиб ўтишга қарши эмас.
Эслатиб ўтамиз, Исконинг «Реал» билан амалдаги шартномаси 2022 йилгача мўлжалланган.
