Швеция терма жамоаси бош мураббийи Ян Андерссон Златаннинг Инстаграмга жойлаган расмига жавоб қайтарди.
Сал аввалроқ Ибраҳимович ўз Инстаграм саҳифасига ғйриоддий расм жойлаб, унда термага қайтиш нияти бор эканлигига ишора қилганди. Лекин швециялик мутахассис бу ҳолатга кескин муносабат билдирди:
«Кўпчилик менга бунда катта маъно бор дея уқтиришга ҳаракат қилди. Лекин мен буни тушунишни истамайман. Златан жамоадан кетганига анча бўлган. Энди уни ортиқча ўйлагандан фойда йўқ. Мен термада янги энергияга бой футболчиларга ишонаман».
Эслатиб ўтамиз Златан Швеция миллий терма жамоасидан 2016 йилги Европа чемпионати якунлангач истеъфога чиққан.
