Франциянинг "ПСЖ" клуби ҳимоячиси Маркиньос жамоа бош мураббийи Томас Тухелни истеъфога чиқарилиши мумкинлиги ҳақидаги хабарларга муносабат билдирди. Ушбу ҳафтада "ПСЖ" ЕЧЛ доирасида Германиянинг «Лейпциг» (1:2) клубига имкониятни бой берганди.
«Бутун жамоа Тухелни қўллаб-қувватламоқда. У "ПСЖ" ўз тарихида энг зўр даврларни бошдан кечираётган пайтда айнан у жамоани бошқарди, энди бўлса унинг истеъфоси ҳақида гапиришмоқда. Футболда сабр йўқ.
Биз ўз мураббийимизга ишонамиз. Агар жамоа омадсиз ўйнаётганида бу фақат бош мураббийнинг айби билан бўлмайди. Футболчилар ҳам жавобгарликни ўз бўйниларига олишлари ва ўз ишларини сидқидилдан бажаришлари керак бўлади», - деди Маркиньос УЕФА матбуот хизматига.
