Каталониянинг «Барселона» клуби президентлигига номзод саналган Тони Фрейша жамоа сардори Лео Месси ҳақида фикр билдирди.
«Барселона» билан яхши натижаларга эриши учун Месси билан хотиржам гаплашамиз. Биз унга ва бошқа шартномасини узайтириш керак бўлган футболчиларга янги битим таклиф қиламиз, бироқ, ундаги шартлар (маошлар) аввалгидан яхши бўлмайди.
Бу масалада кимнидир алдаш мумкин эмас. Шубҳасиз, янги шартномалар аввалгисига ўхшамайди, чунки бизнинг даромадларимиз сезиларли даражада камайиб кетди. Янги формула топишимиз керак.
Мессини ишонтириш шарт эмас. Унинг кўзларига қараш керак ва у нимани хоҳлаётгани ҳақида гаплашиб олиш керак. Ишонамизки, Мессини олдида ҳали кўп футбол турибди», – деди Фрейша.
