«ПСЖ» ҳужумчиси Неймар Бразилия терма жамоасининг ЖЧ-2022 саралаш босқичи доирасида ноябрь ойидаги ўйинларида иштирок этишни истамоқда.
"Пентакампеонлар" 14 ноябрь куни Венесуэла, 18 ноябрь куни эса Уругвайга қарши тўқнаш келадилар.
"Пари Сен-Жермен" раҳбарияти эса футболчининг ушбу қароридан норози. Чунки Неймар яқинда жароҳат олган бўлиб, ҳали ундан тўлиқ тикланмади. «ПСЖ» бош мураббийи Томас Тухелнинг фикрича, унинг терма жамоа ўйинларида майдонга тушиши — имконсиз нарса.
28 ёшли футболчи дастлаб терма жамоа ўйинларида қатнашиб, шундан сўнг парижликлар сафида «Лейпциг»га қарши Чемпионлар лигаси баҳсида майдонга тушмоқчи. Неймар якшанба куни Бразилияга жўнаб кетади.













