Лондоннинг «Арсенал» клуби ярим ҳимоячиси Виллиан жамоасининг амбициялари ҳақида гапирди.
«Бизда тажрибали мураббий ва ажойиб футболчилар бор. Ўйлайманки, биз АПЛни ютишимиз мумкин. «Арсенал» совринлар учун курашиши керак. Агар жорий мавсумда бу амалга ошмаса, у ҳолда кейинги мавсумда ҳаракат қилиш керак. Вазифа айнан шунақа бўлиши керак.
Биз «Манчестер Юнайтед» устидан муҳим ғалабани қўлга киритдик. Бу жуда муҳим очколар бўлди, шахсан мен учун. Бу шубҳасиз олдинга ташланган қадам. Менталитетни ўзгартириж қийин, аммо биз аллақачон мана шу йўлдамиз», - деди бразилиялик футболчи.
