Мадриднинг «Атлетико» клуби ҳужумчиси Луис Суарес собиқ жамоадоши Лионель Месси ҳақида фикр билдирди.
«Лионель айни пайтда 33 ёшда. У исталган вазиятни тўғрилаш учун етарлича тажрибага эга. Эҳтимол, унинг ҳозирги ўйини аввалги каби шиддатлимасдир, лекин у мени ҳайрон қолдиришга давом этмоқда. Месси ҳатто дарвозадан анча узоқ бўлса ҳам, ҳар доим тўпни дарвозага йўллашга ҳаракат қилади.
Месси билан бирга ўйнаган барча футболчилар у ҳақда ижобий гап айтади. Месси билан бирга ўйнаб, ундан хафа бўлган футболчи йўқ. У ҳақиқатдан ҳам муҳим футболчи. Агар сиз Месси қанчалар ёш футболчиларга ёрдам берганини билганингизда эди...
Месси кейинги фаолиятини қаерда давом эттиришини тахмин қилмайман. Агар у «Атлетико»га ўтишни хоҳласа, мен бу клуб ҳақида унга фақат ижобий нарсаларни айтишим мумкин», — деди Суарес.
