Англиянинг «Ливерпуль» клуби бош мураббийи Юрген Клопп АПЛ доирасида «Манчестер Сити» (1:1) клубига қарши бўлиб ўтган учрашувдан сўнг, жамоа ҳимоячиси Трент Александер-Арнолд жароҳат олганини айтиб ўтди.
Трент «шаҳарликлар»га қарши учрашувда жароҳат олди ва ўйининг 63-дақиқасида заҳирага олинди.
«У терма жамоа ихтиёрига бормайди. Эртага у тиббий кўрикдан ўтади ва шундан кейин нима бўлганини кўрамиз. Аниқ айта оламанки, у ноябрь ойида ўйнамайди», – деди Клопп.
Англия терма жамоаси 12 ноябрь куни Ирландия терма жамоасига қарши ўртоқлик учрашувини ўтказса, 15 ва 18 ноябрь кунлари Бельгия ҳамда Исландия терма жамоаларига қарши Миллатлар Лигасида ўйнайди.
