Англиянинг "Ливерпуль" ва Шотландия терма жамоаси ҳимоячиси Эндрю Робертсон Сербия (1:1, (пенальтилар бўйича 5:4) терма жамоаси устидан ғалаба қозониб, Евро-2020га йўл олганлиги борасида фикр билдирди.

— Ушбу муваффақият бизнинг нақадар кучли эканлигимизни кўрсатди. Кўпчилик қўшимча вақтларда таслим бўлади, бироқ, биз жамоавий ҳаракат қилдик ва қўлга киритган ғалабага ҳақли равишда эришдик. Энди кейинги йилнинг ёзини интизорлик билан кутаман! Финал ҳуштаги янграганидан кейин мен фаолиятимдаги энг кувончли лаҳзалардан бирини бошдан кечирдим. Терма жамоадаги шерикларим билан фахрланаман. Европа чемпионати саралаш ўйинлари доирасида бизнинг "Хэмпден Парк"да иккита учрашув кутмоқда ва аминманки, ушбу учрашувлар мухлислар билан тўлган стадионда бўлиб ўтишига ишонаман. Қўллаб-қувватлашни аниқ ҳис қиламиз, - деди Робертсон Sky Sports билан суҳбатда.