"Манчестер Юнайтед" ярим ҳимоячиси Неманья Матич жамоани тарк этишга тайёр. Бу ҳақда "Manchester Evening News" хабар тарқатди.
Манбага кўра, 32 ёшли футболчи етарли ўйин амалиётига эга бўлмаётгани учун бошқа жамоага ўтмоқчи. Матич ўз агентлари билан биргаликда янги клуб қидиришни бошлади.
Сербиялик футболчининг "қизил иблислар" билан амалдаги шартномаси 2022 йилнинг ёзига қадар тузилган. У жорий мавсумда "МЮ" сафида 7та ўйинда майдонга тушди.