Англия терма жамоаси Миллатлар Лигаси доирасида Исландия терма жамоасига қарши бўладиган учрашув олдидан таркиб борасида муаммога дуч келди.

Жордан Хендерсон («Ливерпуль») ва Рахим Стерлинглар («Манчестер Сити») ушбу учрашувни жароҳат сабаб ўтказиб юборишади. Хендерсон Бельгия (0:2) терма жамоасига қарши учрашувда жароҳат олганди, Стерлинг эса ушбу баҳсда майдонга тушмаганди.

Икки футболчи ҳам терма жамоа ихтиёрини тарк этиб, ўз клуби қароргоҳига йўл олишади ва қўшимча тиббий кўрикдан ўтишади.

«Манчестер Сити» шанба куни «Тоттенхэм» клуби билан баҳс олиб борса, «Ливерпуль» «Лестер» билан беллашади.