Мадриднинг «Реал» клуби сардори Серхио Рамос қишки трансфер бозорида жамоани тарк этиши мумкин.
El Chiringuito de Jugones теледастурининг тарқатган маълумотига қараганда, "Реал" президенти Флорентино Перес ҳимоячига: «Агар сенга яхши таклиф тушадиган бўлса, у ҳолда сенинг қарорингни тўғри қабул қиламан» - деган.
Рамос «Реал» билан шартномаси 2021 йилнинг июнь ойида якунланади. 34 ёшли футболчи яна икки йиллик шартнома имзоламоқчи, бироқ, "қаймоқранглилар" Рамоснинг ёши ўтиб бораётганини ҳисобга олиб, унга 2022 йилнинг ёзигача шартнома таклиф қилиш ниятида.
Манбанинг ёзишича, Перес Рамосга икки йиллик шартнома таклиф қилишга тайёр, бироқ, «Реал» «ПСЖ» таклиф қилаётган маошни тўлаш ниятида эмас. Чунки, парижликлар Рамос учун йилига 18 миллион евро тўлашга тайёр.
