Диего Симеоне бошчилигидаги Мадриднинг "Атлетико" клуби Ла Лиганинг 24 та ўйинидан бери мағлубиятга учрмаяпти. Мураббий ҳозирча ўзини жуда камтар тутмоқда. Ҳаттоки «Барселона» устидан қўлга киритилган ғалабадан кейин ҳам ҳиссиётларга берилмади.
«Бизда ажойиб коллектив бор. Мен анчадан бери бу ҳақда гапириб келаман. Жамоадагиларнинг барчаси жангга тайёр бўлиши муҳим. Бу Эрмосо ёки Эррера каби футболчиларда кўринмоқда. Ўтган мавсумда улар кам майдонга тушганди. Чоршанба куни бизни муҳим ўйин кутиб турибди. Жанг қилишда давом этишимиз муҳим.
«Атлетико» чемпионлик пойгасида қатнашадими? Ҳозирча аниқ бир фикр айта олмайман. Футболда фақат кейинги ўйинлар ҳақида ўйлаш керак. Футболчиларни ҳали ривожланиши керак. Биз мана шуларнинг устида ишлаяпмиз.
Лоди муҳим саналади, Кондогбиа ўсиб келмоқда, Сауль босқичма-босқич ўз формасига кириб бормоқда, Корреада ҳам ўсиш бор. Фелиш ёки Косталарнинг истаклари ҳақида гапирмаса ҳам бўлаверади. Жамоа менда қизиқиш уйғотмоқда», – деди Симеоне «Барселона»га қарши ўйиндан кейин.
