Кеча Мадриднинг "Атлетико" клубига қарши учрашувда жароҳат олган Каталониянинг "Барселона" клуби ҳимоячиси Жерар Пике олти ойгача майдонга туша олмаслиги мумкинли ҳақида Sport.es сайти хабар бермоқда.
Пике учрашувнинг 62-дақиқасида "Атлетико" ярим ҳимоячиси Анхел Корреа билан тўқнашувдан сўнг жароҳат олиб майдонни тарк этганди. Пикенинг жароҳати қай даражада жиддийлиги ҳақида бугун ўтказиладиган тиббий текширувда маълум бўлади. Агар Пике операция қилинадиган бўлса, у ҳолда 4 ойдан 6 ойгача майдондан четда қолади. Агар у операция столига ётқизилмайдиган бўлса, у ҳолда икки ойдан сўнг майдонга қайтади.
