Римнинг «Рома» клуби ҳужумчиси Эдин Жеко ҳамда марказий ҳимоячи Крис Смоллинглар сафга қайтишгани маълум бўлди.
Бу ҳақда клуб матбуот хизмати хабар бермоқда. Бундан бироз аввалроқ, англиялик футболчи кутилмаганда овқатдан заҳарланганлиги боис машғулотларда қатнаша олмаган бўлса, Жеко 7 ноябрь санасида коронавирусга чалинган эди. Ҳозирча ҳар иккала футболчининг ҳам аҳволи яхши ва улар навбатдаги учрашувлар учун умумий машғулотларга киришишган.
Эслатиб ўтамиз, Фонсека шогирдлари 27 ноябрь санасида «Клуж» билан Европа Лигаси доирасида майдонга тушишса, ундан 3 кун ўтиб, А Сериянинг навбатдаги турида «Наполи» меҳмони бўлишади.
