Англиянинг "Дерби Каунти" клуби ҳужумчиси Уэйн Руни 2010 йили Испания чемпионатига йўл олишига яқин келганини айтиб берди.

- Испания чемпионатига ўтишим мумкин эди. Режамга кўра "Барселона"да ўйнашни хоҳлагандим, лекин ўша пайтда "Реал" "Барселона"га қараганда жиддий қизиқиш билдирганди. "Челси" ҳам номзодлар қаторида эди. "Барселона"да ўйнашни тасаввур қилиб қўрганман. У ерда Месси, Хави, Иньеста ва Бускетс". Ўша пайтда Месси ҳозирги позициясида ўйнамасди. У кенгроқ ўйнарди. Ушбу жамоага мос келишим мумкинлигига ишонгандим. Бироқ, Дэвид Гилл билан муносабатларимиз яхши эди ва у билан ҳамма нарсани ҳал қилиб олиб, "МЮ"да қолгандим, — деди Руни "Манчестер Юнайтед"нинг расмий сайтига.