Италиянинг "Аталанта" клуби бош мураббийи Жанпьеро Гасперини Globe Soccer Awards томонидан эътироф этилган йилнинг энг яхши мураббийи номзодлиги ҳақида фикр билдирди.

"Агар ЕЧЛда "Ливерпул"ни мағлубиятга учратадиган бўлсак, яна қўшимча балларга эга бўлишим мумкин. Тўғрисини айтганда, ғалаба қозонишни жуда хоҳлаяпман. "Ливерпул"нинг "Лестер" клубига қарши ўйинини томоша қилдим, эҳтимол уларда йилнинг яхши вазиятлари бўлда. Агар "Энфилд"да ижобий натижага эришсак, бу ўсишимиз учун жуда муҳим бўлар эди. Йилнинг энг яхши мураббийи номзоди ҳақида гапирадиган бўлсам, бироз ҳайрон қолдим. Ўтган мавсум "Аталанта" учун муҳим бўлди, ушбу номзодга муносиб эканлигимизни исботлашимиз керак. Бундан бутун жамоа хурсанд. Ўтган мавсумда жуда ажойиб натижани қўлга киритдик, ўзимизни дунёга танитдик. Бундай ишдан доим завқланасан, келажакда биз янада кучли бўламиз", — деди Гасперини Sky Sport билан суҳбатда.