Italiyaning "Atalanta" klubi bosh murabbiyi Janpyero Gasperini Globe Soccer Awards tomonidan e’tirof etilgan yilning eng yaxshi murabbiyi nomzodligi haqida fikr bildirdi.
"Agar YECHLda "Liverpul"ni mag‘lubiyatga uchratadigan bo‘lsak, yana qo‘shimcha ballarga ega bo‘lishim mumkin. To‘g‘risini aytganda, g‘alaba qozonishni juda xohlayapman. "Liverpul"ning "Lester" klubiga qarshi o‘yinini tomosha qildim, ehtimol ularda yilning yaxshi vaziyatlari bo‘lda. Agar "Enfild"da ijobiy natijaga erishsak, bu o‘sishimiz uchun juda muhim bo‘lar edi. Yilning eng yaxshi murabbiyi nomzodi haqida gapiradigan bo‘lsam, biroz hayron qoldim. O‘tgan mavsum "Atalanta" uchun muhim bo‘ldi, ushbu nomzodga munosib ekanligimizni isbotlashimiz kerak. Bundan butun jamoa xursand. O‘tgan mavsumda juda ajoyib natijani qo‘lga kiritdik, o‘zimizni dunyoga tanitdik. Bunday ishdan doim zavqlanasan, kelajakda biz yanada kuchli bo‘lamiz", — dedi Gasperini Sky Sport bilan suhbatda.
