Италиянинг «Милан» клуби ҳужумчиси Златан Ибрагимович ўз мамлакатининг 12-марта энг яхши футболчиси бўлди ва Швеция «Олтин тўпи»ни қўлга киритди.
– Одатда, мухлисларни – 12-футболчи дейишади. Бу менинг мамлакатдаги 12-«Олтин тўп»им, шу сабабли, бу соврин мухлислар учун аталади. Афсуски, уларнинг стадионга киришларига ва футболдан завқ олишларига имкон беришмаяпти. Уларсиз стадионлар ҳувиллаб қолди.
– Стадионга мухлисларнинг ташрифларига рухсат беришмаса шу руҳда давом этаверасизми?
– Ҳа! Фаолиятимни бўш трибуналарда якунлаш ниятим йўқ.
Мен 39 ёшдаман ва «Олтин тўп»ни ютдим. Энди "Олтин тўпни" 50 ёшда ютишни режалаштиряпман, – деди Златан.
