Каталониянинг «Барселона» клуби ҳимоячиси Оскар Мингеса ЕЧЛ доирасида «Динамо» (4:0) клубига қарши ўйиндаги дебюти ҳақида фикр билдирди.

«Жуда хурсандман. Шунча йиллик меҳнатдан сўнг, мен дунёнинг энг яхши клуби таркибида ЕЧЛда иштирок этишга ва унда ғалаба қозонишга ҳамда орзуларимни амалга оширишга муваффақ бўлдим.

Ўйнайманми ёки йўқми деб бутун ҳафта давомида хавотир олдим, лекин майдонга тушишимни билгач, жуда хурсанд бўлдим ва ғалаба қозониш учун хоҳиш пайдо бўлди.

Умид қиламанки, бу узоқ фаолиятимнинг бошланиши», – деди Мингеса.