Мюнхеннинг «Бавария» клуби бош мураббийи Ханс-Дитер Флик ЕЧЛ доирасида Австриянинг «Ред Булл Зальцбург» (3:1) клуби устидан қўлга киритилган ғалаба ҳақидаги фикрлари билан ўртоқлашди.
«Бугун гуруҳдан чиқиш масаласини ўз олдимизга мақсад қилиб қўйгандик. Бироқ, биринчи бўлимда оддий вазиятларда тўпни йўқотиб, ўзимизга муаммо ортириб олдик. Иккинчи бўлимда яхши ўйин намойиш этдик, ҳатто кўрсатилган қизил карточка ўйинимизга салбий таъсир кўрсатмади.
Тўртта ўйиннинг барчасида ғалаба қозонганимиздан хурсандман. Бугунги самарадорликдан қониқдим, орқамизда эса дунёнинг энг яхши дарвозабони бор», – деди мураббий.
