Англиянинг "Манчестер Юнайтед" клуби собиқ футболчиси, ҳозирда АҚШнинг "Орландо Сити" клубида тўп сураётган Нани Чемпионлар Лигаси 4-турининг энг яхши футболчиси бўлишга даъвогарлик қилаётган Бруно Фернандеш ҳақида фикр билдирди.

«Бруну «МЮ» учун жуда муҳим ўйинчига айланди. Айни пайтда у биз "Спортинг"да жамоадош бўлган пайтларимизга қараганда, анча юқори даражада ўйин намойиш этмоқда. У Португалияда жуда юқори даражада ўйнашга муваффақ бўлди. Аммо бу чемпионатни Премер-лига билан таққослаб бўлмайди. Англияда футбол анча қизғин, жамоаларнинг умумий савияси эса анча юқори.

Мен дастлаб Бруну Фернандешнинг ажойиб имкониятларини кўриб чиқдим. Мен унга биринчи бўлиб Туманли Альбионга кетишни маслаҳат берганман.

"Қизил иблислар" мухлислари унинг ўйинидан ақлдан озишмоқда. Бруну таваккал қилишга тайёр, у жавобгарликни ўз зиммасига олишдан қўрқмайди », - деди Нани.