Таниқли футбол агенти Мино Райола дунё футболида иш ҳақи миқдорини жорий этиш ғоясига ўз муносабатини билдирди.
- ФИФАнинг ойлик-маошни белгилаш тўғрисидаги қарори - энди клублар ўзлари қарор қабул қила олмасликларини англатади. ФИФАнинг клубларга ўз ишларини қандай қилиб олиб боришларини айтишларига ҳаққи йўқ. Шубҳасиз, трансфер бозори ФИФА хоҳлагандек ишламаяпти. Агар биз футболчиларнинг маошларини чекласак, буни ҳамма учун қилишингиз керак. "Реал" ва "Барселона"нинг миллиардлаб даромади бор, улардан чипта нархларини белгилашни талаб қилиш керакми? Бундай ҳолда, актёрлар, журналистлар, рассомлар учун иш ҳақига чеклов қўйинг. Бенкси, Леонардо да Винчи ёки Рембрандт учун иш ҳақи миқдорини белгилайсизми? Қандай қилиб истеъдодни чеклаш мумкин? Биз капиталистик дунёда яшаяпмиз, аммо Жанни Инфантино бизни Шимолий Корея бўлишимизни хоҳлайди. Менда Шимолий Корея билан ҳеч қандай муаммо йўқ, лекин у ўша ерда яшаши керак, мен эмас, - деди агент Football Italia билан суҳбатда.
