«Милан» Италия чемпионатининг 9-тури доирасида «Фиорентина»ни қабул қилиб, ишончли ғалабани қўлга киритди.

Баҳснинг 17-дақиқасида Романьоли ҳисобни очган бўлса, орадан 10 дақиқа ўтиб Франк Кессиэ пенальтидан ҳисобдаги фарқни оширди.

Учрашувнинг 40-дақиқасида VAR ёрдамида меҳмонлар дарвозаси томон яна бир пенальти белгиланди. Кессиэ томонидан йўлланган бу галги зарбани "Фиорентина" посбони қайтаришга муваффақ бўлди.

Иккинчи бўлимда жамоаларда голга тортадиган биттадан имконият юзага келди. Чолҳонўғлининг зарбасидан кейин тўп устунга теккан бўлса, Рибери яккама-якка вазиятда Доннаруммани доғда қолдира олмади.

Ушбу ғалабадан кейин "Милан"нинг очколари 23тага етди ҳамда "россонери" таъқибчилар билан фарқни 5 очкога етказди.

Италия А серияси, 9-тур
Милан – Фиорентина 2:0 (2:0, 0:0)
Голлар: 1:0 – 17 Романьоли, 2:0 – 27, пенальти Кессиэ.
Милан – Доннарумма, Тео, Калабрия, Романьоли, Кьер, Тонали (Хеуге, 82), Чалханоглу, Ребич, Кессиэ, Браим Диас (Крунич, 75), Салемакерс (Диогу Далот, 90).
Фиорентина – Дронговски, Пеццелья, Касерес (Лирола, 60), Бираги, Миленкович, Кастровилли (Валеро, 77), Рибери (Кутроне, 68), Амрабат, Пульгар, Кальехон (Бонавентура, 46), Влахович (Куаме, 77).
Огоҳлантиришлар: Пеццелья (25), Ребич (45), Кастровилли (52), Кессиэ (71), Бираги (86), Амрабат (90).