Сенегал терма жамоаси собиқ ярим ҳимоячиси Пап Буба Диоп 42 ёшида вафот этди.

Goal.com порталининг тарқатган маълумотига қараганда, собиқ футболчи узоқ давом этган ҳасталикдан сўнг вафот этган.

Пап Буба Диоп 2002 йилги Жаҳон чемпионатининг биринчи турида Франция терма жамоаси (ўша ЖЧнинг чемпиони - таҳририят) дарвозасига ғалаба тўпини киритган футболчи сифатида танилган. У Сенегал терма жамоаси таркибида 63 та ўйинда майдонга тушган ва 11 та гол киритганди.

У фаолияти давомида «Ланс», «Фулхэм», «Портсмут», «Вест Хэм», АЕК яна бир қатор клублар таркибида ўйнаган. У футболчилик фаолиятини 2013 йили якунлаганди.