Германиянинг "Бавария" клуби ярим ҳимоячиси Хави Мартинес "Атлетико" клубига қарши бўладиган ўйиндан олдин ўзининг спорт формаси ҳақида фикр билдирди.
"Штутгарт"га қарши ўйинда заҳирага олишларини ўзим сўрадим. Оёғимда муаммо пайдо бўлганди, ҳозир анча яхши. Умид қиламанки, "Атлетико"га қарши ўйинга юз фоиз тайёр бўламан.
Испания клубларига қарши ҳар бир ўйин мен учун алоҳида аҳамият касб этади. Мен ҳали "Атлетико"нинг янги стадионида ўйнамадим. Агар ушбу стадион "Кальдерон" каби яхши бўладиган бўлса, у ҳолда ажойиб стадион эканлигига шубҳа қилмайман", - деди испаниялик футболчи УЕФА расмий сайтига.
