Илҳом Ханжариев мураббийлиги остидаги U17 Ўзбекистон ўсмир қизлар терма жамоаси 7-16 декабрь кунлари Олмалиқ шаҳрида ўқув-машғулот йиғини ўтказади.

Бу йиғин келаси йили бўлиб ўтадиган ўсмир қизлар ўртасидаги U17 Осиё чемпионати саралаш баҳслари учун терма жамоа таркибини шакллантириб олиш мақсадида ташкил этилмоқда.

Аввал хабар берганимиздек, U17 Осиё чемпионати саралаш беллашувларининг дастлабки босқичи 2021 йил 7-11 апрель кунлари ўтказилади.

Мазкур гуруҳ учрашувларига Австралия, Бангладеш, Иордания, Қирғизистон, Монголия, Мянма, Тожикистан ва Ветнам мамлакатлари мезбонлик қилади.

U17 Ўзбекистон ўсмир қизлар терма жамоаси қуръа ташлаш маросимида 2-саватчадан ўрин оладиган бўлди. Бу саватда шунингдек Филиппин, Хитой Тайпейи, Ҳиндистон, Гонгконг, Цингапур ва Индонезия вакиллари ўрин олган. Мазкур қуръа маросими ОФКнинг Куала-Лумпур шаҳридаги бош қароргоҳида 23 декабрь куни ўтказилиши режалаштирилган.

Ушбу ўқув-машғулот йиғини чақирув олган футболчилар рўйхати:

1. Чориева Азиза
2. Абдурашидова Гулшода
3. Ли Александра
4. Эгамбердиева Севинч
5. Зарубина Сабина
6. Умирзақова Камола
7. Раҳматуллаева Севинч
8. Турғунбоева Нилюфар
9. Алматова Алина
10. Азатова Самира
11. Бойлиева Севинч
12. Тоштемирова Ситора
13. Абдукаримова Махзуна
14. Бунтина Ксения
15. Олимжонова Рухшона
16. Турғунова Ойдиной
17. Аминжонова Асалхон
18. Рустуллаева Лейла
19. Эгамбердиева Мехрибон
20. Омонқулова Зиёда