Ilhom Xanjariyev murabbiyligi ostidagi U17 O‘zbekiston o‘smir qizlar terma jamoasi 7-16 dekabr kunlari Olmaliq shahrida o‘quv-mashg‘ulot yig‘ini o‘tkazadi.

Bu yig‘in kelasi yili bo‘lib o‘tadigan o‘smir qizlar o‘rtasidagi U17 Osiyo chempionati saralash bahslari uchun terma jamoa tarkibini shakllantirib olish maqsadida tashkil etilmoqda.

Avval xabar berganimizdek, U17 Osiyo chempionati saralash bellashuvlarining dastlabki bosqichi 2021 yil 7-11 aprel kunlari o‘tkaziladi.

Mazkur guruh uchrashuvlariga Avstraliya, Bangladesh, Iordaniya, Qirg‘iziston, Mongoliya, Myanma, Tojikistan va Vetnam mamlakatlari mezbonlik qiladi.

U17 O‘zbekiston o‘smir qizlar terma jamoasi qur’a tashlash marosimida 2-savatchadan o‘rin oladigan bo‘ldi. Bu savatda shuningdek Filippin, Xitoy Taypeyi, Hindiston, Gongkong, Singapur va Indoneziya vakillari o‘rin olgan. Mazkur qur’a marosimi OFKning Kuala-Lumpur shahridagi bosh qarorgohida 23 dekabr kuni o‘tkazilishi rejalashtirilgan.

Ushbu o‘quv-mashg‘ulot yig‘ini chaqiruv olgan futbolchilar ro‘yxati:

1. Choriyeva Aziza
2. Abdurashidova Gulshoda
3. Li Aleksandra
4. Egamberdiyeva Sevinch
5. Zarubina Sabina
6. Umirzaqova Kamola
7. Rahmatullayeva Sevinch
8. Turg‘unboyeva Nilyufar
9. Almatova Alina
10. Azatova Samira
11. Boyliyeva Sevinch
12. Toshtemirova Sitora
13. Abdukarimova Maxzuna
14. Buntina Kseniya
15. Olimjonova Ruxshona
16. Turg‘unova Oydinoy
17. Aminjonova Asalxon
18. Rustullayeva Leyla
19. Egamberdiyeva Mexribon
20. Omonqulova Ziyoda