Англиянинг "Манчестер Юнайтед" клуби ярим ҳимоячиси Фред ЕЧЛ доирасида "ПСЖ" клубига қарши ўйинда майдондан четлатилди. У ўйин мобайнида икки марта сариқ карточка билан огоҳлантирилди. Англия терма жамоаси собиқ ҳужумчиси Майкл Оуэннинг фикрича, Фредни жазолаш ва жамоанинг келажакдаги ўйинларида майдонга туширмаслик керак.
«Жамоани қийин аҳволга солиб қўйиш учун бундай ишларни қилмаслик керак. Агар мен мураббий бўлганимда ва қўл остимдаги футболчи шундай қилганида, у ҳолда менинг қўл остимда ўйнамасди. Барчасига Фред ва Сульшер айбдор. Чунки, энди мураббий уни ҳимоя қилиши керак», – деди Оуэн.
«Манчестер Юнайтед» "ПСЖ"га 1:3 ҳисобида имкониятни бой берди. Агар "Қизил иблислар" кейинги турда «Лейпциг» клубига ютқазадиган бўлса, у ҳолда турнир билан хайрлашади.
