Angliyaning "Manchester Yunayted" klubi yarim himoyachisi Fred YECHL doirasida "PSJ" klubiga qarshi o‘yinda maydondan chetlatildi. U o‘yin mobaynida ikki marta sariq kartochka bilan ogohlantirildi. Angliya terma jamoasi sobiq hujumchisi Maykl Ouenning fikricha, Fredni jazolash va jamoaning kelajakdagi o‘yinlarida maydonga tushirmaslik kerak.
«Jamoani qiyin ahvolga solib qo‘yish uchun bunday ishlarni qilmaslik kerak. Agar men murabbiy bo‘lganimda va qo‘l ostimdagi futbolchi shunday qilganida, u holda mening qo‘l ostimda o‘ynamasdi. Barchasiga Fred va Sulsher aybdor. Chunki, endi murabbiy uni himoya qilishi kerak», – dedi Ouen.
«Manchester Yunayted» "PSJ"ga 1:3 hisobida imkoniyatni boy berdi. Agar "Qizil iblislar" keyingi turda «Leypsig» klubiga yutqazadigan bo‘lsa, u holda turnir bilan xayrlashadi.