Англия Премьер Лигасининг 11-турида «Ливерпуль» 6 декабрь, якшанба куни «Вулверҳэмптон»ни қабул қилди.

Учрашувнинг 24-дақиқасида Муҳаммад Салоҳ мерсисайдликларни олдинга олиб чиқди. Биринчи бўлимда бошқа гол бўлмади.

Иккинчи бўлим дебютида Жорижинё Вейналдум жамоасининг иккинчи голини урган бўлса, 67-дақиқада Жоэл Матип ҳисобни йирик кўринишга олиб келди. 78-дақиқадан Садио Маненинг берган зарбаси меҳмонлар ҳимоячиси Нелсон Семедуга тегиб, дарвозадан жой олди.

Шу тариқа, очколарини 24 тага етказиб олган «Ливерпуль» пешқадам «Тоттенҳэм»га тенглашиб олди. «Бўрилар» (17) эса 10-поғонада бормоқда.

АПЛ, 11-тур
6 декабрь, якшанба
«Ливерпуль» — «Вулверҳэмптон» 4:0
Голлар: 1:0 – 24 Салоҳ, 2:0 – 58 Вейналдум, 3:0 – 67 Матип, 4:0 – 78, автогол Семеду.
«Ливерпуль»: Келлеҳер, Робертсон, Матип, Уильямс (Александер-Арнольд, 68), Фабиньо, Жонс, Вейналдум, Салах, Ҳендерсон (Кейта, 81), Мане, Фирмино (Диогу Жота, 73).
«Вулверҳэмптон»: Руй Патрисиу, Семеду, Марсал, Коуди, Боли, Поденсе (Аит-Нури, 71), Дендонкер, Нету (Витиня, 79), Моутинью, Траоре, Рубен Невеш (Фабиу Сильва, 62).
Огоҳлантиришлар: Уильямс (3), Моутинью (89).