Лондоннинг "Тоттенхем" клуби ҳужумчиси Гарри Кейн жамоанинг АПЛдаги ҳозирги натижалари ва ўзининг ажойиб ютуқлари ҳақидаги сўзлари билан ўртоқлашди.
«Эҳтимол, ҳозир ҳаётимдаги энг яхши формададирман. Бу, албатта, мен учун мавсумнинг энг яхши старти.
Аммо ҳали узоқ йўл бор. Бизда бир мунча вақт турнир жадвалининг юқори ўринларида бўлганмиз, лекин юқори ўринларда туриш учун узоқ масофани муваффақиятли йўл босиб ўтиш ва чемпионлик пойгасида ғалаба қозонишингиз керак.
Сўнгги бир неча йил ичида биз буни уддалай олмадик. Аммо биз ҳар бир ўйинни борича қабул қиламиз. Бир неча ҳафта олдин "Арсенал" ёки "Манчестер Сити" клубларига қарши ўйинда киритилган натижалар бизга ёрдам беради.
Бизни "Кристал Пелас" ва "Ливерпул"га қарши қийин ўйинлар кутиб турибди, яна ғалаба қозонишга ҳаракат қилишимиз керак.
Рақибингиз энг яхши 6 жамоа бўладими ёки жадвалнинг пастки қисмида бўладими, ҳар бир ўйинда босим мавжуд. Премер-лигада барча ўйинлар қийин», - деди Кейн.
