Сербиялик футболчи Драган Черан кеча ўзининг Ўзбекистондаги юбилей голини уришга эришди.
"Сўғдиёна" дарвозасига киритилган тўп Чераннинг 2016 йилнинг ёзидан буён Ўзбекистонда давом этиб келаётган фаолиятида 100-тўп бўлди. Булардан 81 голни у Суперлигада, 6тасини Осиё Чемпионлар Лигаси ва қолган 13тасини Ўзбекистондаги кубок мусобақаларида уришга эришган. Жамоалар бўйича ҳиссага қарайдиган бўлсак, "Пахтакор"да 60та, "Насаф"да эса 40 гол муаллифига айланган.
"Шерлар" сафида Черан Суперлигада 47 бор рақиб дарвозасини ишғол қилган. 9 марта Ўзбекистон Кубоги ва Лига Кубоги баҳсларида зафар қучган бўлса, 4 сафар Чемпионлар Лигасида ўз ҳисобига гол ёзиб қўйган. "Насаф" таркибида эса Суперлигада 34та, Ўзбекистон Кубогида 4та ва Чемпионлар Лигасида 2 бор тўп киритган.
