Кечаги Европа Чемпионлар лигаси баҳсларидан бирида жуда қизиқ воқеа содир бўлди.

Мадридда кечган «Реал Мадрид» ва «Боруссия М» ўртасидаги баҳсда қизиқарли воқеа содир бўлди. Учрашув «Реал»нинг ишончли (2:0) ғалабаси билан якунланди, аммо немис клубида гуруҳдан чиқиш учун имконият мавжуд эди. Гап шундаки, параллель ўтаётган ўйин натижаси немис клубини кейинги босқичга олиб чиқиши мумкин эди.

Миланда бўлиб ўтаётган учрашувда «Интер» « »Шахтёр« билан нурсиз дуранг қайд этаётган эди. Бу натижа, енгилган бўлсада »Боруссия М« учун квартетда 2-ўринда қолиш имкониятини тақдим этар эди. Шу боис, футболчилар »Реал"га енгилган бўлсада, учрашувни катта экранда томоша қилиш мақсадида стадионда қолишди.

Улар ўйинни киприк қоқмай томоша қилишди. Гап шундаки, икки томондан бири киритган гол уларни Европа Лигасига равона қилиши мумкин эди. Шу боис, улар икки жамоага ҳам омадсизлик тилашдан бошқа ҳеч нарса қила олишмади.

Ўйиннинг сўнгги дақиқалари жуда асабий ўтди. «Интер» ҳакам томонидан қўшиб берилган дақиқаларда бир нечта стандартларни ижро этибгина қолмай, гол киритиши ҳам мумкин эди. Ҳатто, ҳакам қўшиб берган 7 дақиқа эса, чинакамига асабларни таранглаштирди десак, адашмаган бўламиз.

Шунга қарамай, Милан шаҳридаги аренада ҳисоб ўзгармади. «Интер» ва «Шахтёр» қанча уринишмасин кейинги босқичга чиқа олишмади. Бундан «Боруссия М» унумли фойдаланди. Улар Миландаги ҳакамнинг финал ҳуштагини эшитишлари билан стадионга тушиб келишди ва «Реал Мадрид»дан ҳам яхшироқ уни нишонлашди.

Футбол қизиқ спорт эканлигига яна бир бор амин бўлишингиз мумкин. 90 дақиқа давомида «Реал»га мағлуб бўлган клуб бошқа учрашув натижасига кўра плей-оффга йўлланма олмоқда.