ЕЧЛ гуруҳ босқичи 6-тури доирасида «Интер» ҳамда «Шахтёр» жамоалари ўртасидаги учрашувда ҳисоб очилмаганидан хабарингиз бор (0:0). Ўйиндан сўнг меҳмонлар аъзоси Николай Матвиенко ўз фикрлари билан ўртоқлашди.
«Ғалаба ҳар икки жамоага ҳам сув ва ҳаводек зарур эди. Ўйинда биз кўпроқ имкониятларга эга бўлдик деб ўйлайман, бироқ уларни кўкка совуриб юбордик. Бу натижа бизни тўлиқ қониқтиради, 6 та тур давомида гранд жамоаларга муносиб қаршилик кўрсатдик ва биз Европа Лигасида ўйнашга арзиймиз. "Интер" учрашув якунида кўпроқ имкониятларга эга бўлганди. Лекин Ромелу буларни йўққа чиқарди. - Кейинги босқичга бизни олиб чиққанинг учун раҳмат сенга Лукаку», - дейди футболчи.
Маълумот учун донецкликлар якунда 8 очко билан Европа лигасида ўйнаш ҳуқуқини қўлга киритди.
