Франциянинг "ПСЖ" ҳужумчиси Киллиан Мбаппе ўз жамоаси ва барча қора танли футболчиларни қўллаб-қувватлашга чақирди.
Чемпионлар Лигаси гуруҳ босқичининг олтинчи туридан ўрин олган "ПСЖ" - "Истамбул" учрашуви доирасида заҳира ҳаками турк жамоаси мураббийига қарши ирқчилик руҳида мурожаат қилгани учун ўйин тўхтатилганди.
Шундан сўнг жамоалар ўйинни давом эттиришдан бош тортишди ва майдонни норозилик сифатида тарк этишди.
“Биз ирқчиликдан чарчадик. Биз бунга яна дуч келишни хоҳламаймиз. Жамоа қилган ишларидан фахрланаман. Биз майдонни тарк этишга қарор қилдик. Ҳар доим гапиришдан кўра ҳаракат қилиш яхшироқдир», - деди Мбаппе.