Лондонликлар бош мураббийи Френк Лемпард жамоасини кутаётган тиғиз тақвимдан хавотирда. У ўз футболчиларнинг саломатлиги учун қайғурмоқда.

«Ҳозир мамлакатда қатъий чеклов чоралари амалда бўлиб турибди. Мен барча ўзгаришлардан хабардорман. Лекин олдимизда Рождество байрами яқин ва барчамиз максимал даражада эҳтиёткорликни оширишимиз керак.

Албатта, яқин орада футболчиларим жуда кўп тадбирларда иштирок этишади. Буни чеклаб ҳам қўя олмайман. Табиийки, шунга яраша вирус юқтириб олиш хавфи ҳам ошиб кетади. Жамоада янги футболчилар кўп ва улар ҳали мамлакат тартиб-қоидаларини яхши билишмайди. Ўзим уларнинг изоляция жараёнларини назорат қиламан», - дейди мураббий.

Эслатиб ўтамиз, «аристократлар»ни шу ой 16 кун ичида 5 та ўйин кутиб турибди ва клуб айни пайтда АПЛ турнир жадвалида пешқадам жамоалардан 2 очко ортда бормоқда.