Londonliklar bosh murabbiyi Frenk Lempard jamoasini kutayotgan tig‘iz taqvimdan xavotirda. U o‘z futbolchilarning salomatligi uchun qayg‘urmoqda.

«Hozir mamlakatda qat’iy cheklov choralari amalda bo‘lib turibdi. Men barcha o‘zgarishlardan xabardorman. Lekin oldimizda Rojdestvo bayrami yaqin va barchamiz maksimal darajada ehtiyotkorlikni oshirishimiz kerak.

Albatta, yaqin orada futbolchilarim juda ko‘p tadbirlarda ishtirok etishadi. Buni cheklab ham qo‘ya olmayman. Tabiiyki, shunga yarasha virus yuqtirib olish xavfi ham oshib ketadi. Jamoada yangi futbolchilar ko‘p va ular hali mamlakat tartib-qoidalarini yaxshi bilishmaydi. O‘zim ularning izolyasiya jarayonlarini nazorat qilaman», - deydi murabbiy.

Eslatib o‘tamiz, «aristokratlar»ni shu oy 16 kun ichida 5 ta o‘yin kutib turibdi va klub ayni paytda APL turnir jadvalida peshqadam jamoalardan 2 ochko ortda bormoqda.