Каталониянинг «Барселона» клуби футболчилари молиявий инқироз пайтида маошларининг қисқартирилишига рози бўлишди. Бу ҳақда Испания футболчилар ассоциацияси хабар бермоқда. Клуб раҳбарияти асосий ва иккинчи таркиб футболчилари билан келишувга эришган.
Қайд этилишича, маошларнинг бир қисми футболчиларга бир неча йиллар мобайнида тўланмайди. "Барселона" раҳбарияти клуб инқироздан чиқиб кетганидан сўнг, қисқартирилган маошларни қоплаб беришни ваъда қилди.
Шу тариқа, «блаугранаслар» раҳбарияти 122 миллион евро тежашни ният қилишмоқда. Бу эса «Барселона»ни банкротликдан сақлаб қолади.
