Англия Премьер Лигасининг 12-турида «Челси» 12 декабрь, шанба куни «Эвертон» майдонида меҳмон бўлди.

Учрашувнинг 22-дақиқасида Гильфи Сигурдссон пенальтини муваффақиятли амалга ошириб, мерсисайдликларни олдинга олиб чиқди. Ушбу гол амалда ўйин тақдирини ҳал қилиб берди.

Шу тариқа Фрэнк Лэмпард шогирдларининг 9 ўйинлик мағлубиятсиз сериясига барҳам берилди. Бу «Челси» учун АПЛ жорий мавсумидаги иккинчи мағлубият бўлди, ундан аввал жамоа сентябрь ойида «Ливерпуль»га ютқазганди.

«Челси» 22 очко билан 3-ўринда бормоқда, «Эвертон» эса очколарини 20 тага етказиб, 7-поғонага кўтарилди.

АПЛ, 12-тур
«Эвертон» — «Челси» 1:0
Гол: 1:0 – 22, пенальти Сигурдссон.
«Эвертон»: Пикфорд, Мина, Кин, Ҳолгейт, Годфри, Аллан, Сигурдссон (Андре Гомеш, 83), Дукуре, Ивоби (Дэвис, 86), Ришарлисон (Кенни, 90), Кэлверт-Льюин.
«Челси»: Менди, Тиаго Сильва, Жеймс, Зума, Чилуэлл, Ковачич (Гилмор, 82), Маунт, Ҳаверц (Абраҳам, 68), Канте, Жиру, Вернер.
Огоҳлантиришлар: Ришарлисон (24), Канте (45), Жеймс (59), Тиаго Сильва (65), Дукуре (80).