Москванинг "Спартак" клуби бош директорлигидан ҳайдалган Шамиль Газизов шартномаси бекор қилингани учун қанча миқдорда товон пули олиши маълум бўлди.
«РБ-Спорт» порталининг тарқатган маълумотига қараганда, 52 ёшли мутахассис 100 миллион рублга яқин компенсация олади. Ушбу сумма Газизовнинг «Спартак» билан тузилган шартномасида кўрсатилган.
Аввалроқ, «Спартак» Газизов билан шартномани муддатдан олдин бекор қилгани учун 3 миллион евро тўлаб бериши ҳақида хабарлар тарқалганди.
Газизов "Спартак" клубининг бош директорлик лавозимида шу йилнинг июль ойидан иш бошлаганди ва клуб тизимида 5 ой фаолият олиб борди.
