Мюнхенликлар ҳужумчиси Роберт Левандовски ўтган ва жорий мавсумлар давомида фантастик ўйин кўрсатиб келмоқда.

Шанба куни «Юнион Берлин» дарвозасига киритган голи орқали у ўтган мавсумдан бери ураётган голлари сонини 71 тага етказиб олди. У ушбу натижани 63 та баҳсда қайд этди. Бу эса топ-5 чемпионатларидаги исталган футболчидан нақ 20 тага кўп дегани. Шунингдек, унинг ҳисобида яна 15 та ассист ҳам мавжуд. Жорий мавсум у 16 та ўйинда шунча бор рақиблари дарвозасини ишғол этган.

Маълумот учун, Роберт «Тhe Best» соврини учун асосий даъвогарлар қаторидан жой олган.