Венгрия терма жамоаси ярим ҳимоячиси Доминик Собослаи «Зальцбург»дан «РБ Лейпциг» клубига ўтгани муносабати билан ўз фикрларини билдирди.
«Лейпциг»га ўтишим амалга ошганидан хурсандман. Клуб кўп муваффақиятларни қўлга киритди, Бундеслиганинг энг яхши жамоаларидан бири саналади, шунингдек, ЕЧЛда сенсацион юришини давом эттиришмоқда. «Лейпциг»га ўтишим менинг ўсишим учун ажойиб имконият, чунки мен топ-мураббийнинг қўл остига келдим ва жамоанинг ўз олдида ажойиб мақсадлари бор. Жамоа жуда ёш, аммо етарлича тажриба тўплади ва бир қатор совринларни нишонлашга ҳам улгурди. Бу ерда янада ўсишим мумкин ва албатта мен жамоанинг 2021 йилда қўлга киритадиган ютуқларига ўз ҳиссамни қўшмоқчиман», - футболчининг сўзларидан иқтибос келтирмоқда клуб расмий сайти.
