Vengriya terma jamoasi yarim himoyachisi Dominik Soboslai «Zalsburg»dan «RB Leypsig» klubiga o‘tgani munosabati bilan o‘z fikrlarini bildirdi.

«Leypsig»ga o‘tishim amalga oshganidan xursandman. Klub ko‘p muvaffaqiyatlarni qo‘lga kiritdi, Bundesliganing eng yaxshi jamoalaridan biri sanaladi, shuningdek, YECHLda sensasion yurishini davom ettirishmoqda. «Leypsig»ga o‘tishim mening o‘sishim uchun ajoyib imkoniyat, chunki men top-murabbiyning qo‘l ostiga keldim va jamoaning o‘z oldida ajoyib maqsadlari bor. Jamoa juda yosh, ammo yetarlicha tajriba to‘pladi va bir qator sovrinlarni nishonlashga ham ulgurdi. Bu yerda yanada o‘sishim mumkin va albatta men jamoaning 2021 yilda qo‘lga kiritadigan yutuqlariga o‘z hissamni qo‘shmoqchiman», - futbolchining so‘zlaridan iqtibos keltirmoqda klub rasmiy sayti.