Каталониянинг "Барселона" клуби ўз ярим ҳимоячиси Филиппе Коутиньони сотиш имкониятларини кўриб чиқаётганлиги ҳақида Ara.cat сайти хабар бермоқда.
Манбанинг тарқатган маълумотига қараганда, каталонияликлар 28 ёшли футболчи билан январь ойидаёқ хайрлашишлари мумкин.
"Кўк-анорранглилар" ойлик-маошларни камайтиришга ҳаракат қилишмоқда, бразилиялик футболчи эса жамоанинг энг юқори маош оладиган ўйинчилардан бири саналади(йилиги 23 миллион евро - таҳририят).
Бундан ташқари, Коутиньонинг "Барселона"даги ўрнини Педри бемалол боса олиши тахмин қилинмоқда.
Жорий мавсум Коутиньо "Барселона" таркибида 11 та ўйин ўтказди ва 3 та гол киритиб, иккита голга ассистентлик қилди.
