Италиянинг «Милан» клуби ҳужумчиси Златан Ибрагимович ўзининг "Орзулар терма жамоаси"даги вазифалар қандай тақсимланиши ҳақида фикр билдирди.
– "Орзулар терма жамоангиз"да пенальтини ким амалга оширади: Златан ёки Лионель Месси?
– Юз фоиз мен амалга ошираман, чунки, бу терма жамоанинг сардори мен бўламан ва 11 метрли нуқтага ким яқинлашишини мен ҳал қиламан.
Дастлабки учта пенальтини ўзим амалга оширардим, кейин эса Мессига бир марта тепиш учун имкон берардим. Кейин яна ўзим учта тепардим, сўнг Месси яна битта имкониятга эга бўларди, – деди Златан.
