Ушбу рукнимиздаги тарихий суратлар билан таништиришда давом этамиз.
1999 йил. Юлдузлар билан тўлиб-тошган «Лацио» УЭФА супер кубогида зафар қучмоқда. Улар ҳозиргина финалда «Манчестер Юнайтед»ни мағлуб этишди.
1987 йил. 18 ёшли Диего Марадона «Аргентинос Хуниорс» сафидан кўрикдан ўтмоқда. Уни олдинда нималар кутиб турганидан бехабар...
1995 йил. «Рейнжерс» жамоасининг янги футболчиси - Пол Гаскойн дунёдаги энг шиддатли Дербида ўзини йўқотиб қўйгани йўқ.
Барчанинг эътиборини Бажжо тортган бўлса, ажаб эмас. Энди унинг олдида турган катта оёқ кийим кийиб олган Антонио Кассанога эътибор беринг!
Рене Игита учун гравитация қоидалари мавжуд эмас.
Бу Европа ёки ЖЧ финали эмас! Майдонда «Астон Вилла» ва «Тоттенҳем» тўқнаш келмоқда! Мухлисларга қараб одам ғалати бўлиб кетади...
УЕФА тарихидаги энг кам мухлис билан ўтказилган учрашув! Кубок эгалари кубоги финал учрашувида «Динамо Тблиси» жамоаси «Карл Цейсс»ни Дюсселдорфда қабул қилмоқда. Мухлислар сони 4750 та! Бу Ўзбекистон чемпионати доирасида «Насаф» ёки «Навбаҳор» жамоаларининг уй учрашувларидаги мухлислар сонидан ҳам кам!
Ёш ва иқтидорли Андреа Пирло «Реджина» сафида! «Парма» футболчиси Артегани тўхтатиб қолишга уринмоқда.
2000 йил. Янги асрнинг илк йилларини турк футболига бағишланган десак, адашмаган бўламиз. «Галатасарай» УЕФА супер кубогида «Реал»ни мағлуб этди ва Европанинг биринчи рақамли клубига айланди. Орадан икки йил ўтиб, Туркия терма жамоаси Осиё қитъасида бўлиб ўтган ЖЧда бронзо медалларга эга чиқади. Буниси энди, бошқа воқеа...
1923 йил. Афсонавий «Уэмбли» аренасини қуриш ишлари давом этмоқда.
1990 йил. Англия терма жамоасини ЖЧдан сўнг, кутиб олиш учун кўчага чиққан мухлисларга эътибор беринг! Ваҳоланки, инглизлар ўз одатларига содиқ қолган холда мусобақани жуда эрта тарк этишган эди.
Жейми Вари бундан анча йиллар илгари, анча қуйи дивизионлардан бирида тўп сурар эди. «Флитвуд Таун» жамоаси ҳақида эшитганмисиз? Айнан шу клуб сафида Варди катта футболга дадил қадамлар билан кириб келган.
Райн Гиггз, Бекҳем ва «Навбаҳор» жамоаси собиқ устози - Андрей Канчеслкис! «Манчестер Юнайтед»нинг ўша пайтлардаги юлдузларидан иборат учлик!
1996 йил. Европа Чемпионлар Лигасининг финал учрашуви! Финал курашларга бой ўтганини биргина сурат исботлаб беради.
