Лондоннинг «Челси» клуби бош мураббийи Фрэнк Лэмпард 14-турдан сўнг турнир жадвалининг 5-поғонасига кўтарилиб олганлиги ҳақида фикр билдирди.
«Бизда ҳаммаси жойида, лекин барибир футболчилардан кўп нарса талаб қилишда давом этавераман. Энг юқори мақсадларимиз учун курашишда давом этамиз ва майда нарсаларга рози бўлмаймиз. Шунга қарамай, бу ғаройиб мавсумда ҳамма нарса рўй беришини тушунамиз, шунинг учун, биринчи навбатда керакли натижаларни қўлга киритишга ҳаракат қиламиз.
Биз қанча юқори ўринда юрсак, ҳаракатларимизда кўпроқ ишонч бўлади, психологик нуқтаи назардан устунлигимизни исботлаш осонроқ бўлади. Рождество байрами арафасида бизни қийин ўйинлар кутиб турибди, лекин айнан мана шу ўйинларда биз ўзимизни кўрсатишимиз керак», – деди Лэмпард.
