Қозоннинг «Рубин» клуби бош директори Рустем Сайманов ҳақиқатдан ҳам «Спартак»да тўп сураётган ҳамюртимиз Остон Ўруновга қизиқиш билдирганини тасдиқлади. Якунда «Рубин» бошқа футболчи билан шартнома имзолашга қарор қилди.
«Аввалига биз рад жавоб беришди. Кейин Остоннинг нархини маълум қилишди, тўғрисини айтганда, бу пулга уч нафар футболчи олардик. Якунда эътиборимни япониялик футболчига қаратдик. Масала ҳал, ушбу позицияга япониялик футболчини ижарага олдик», - деди "Рубин" раҳбари.
«Рубин» Мицуки Сайтони кейинчалик сотиб олиш шарти билан ижарага олди. Ўрунов ҳақида гапирадиган бўлсак, у «Спартак» жамоасида қолмоқда.
